高海寧：最驚夾爆車頭
高海寧（高Ling）昨日於網上大呻沖太歲「黑仔」，出門被車撞，肇事的旅遊巴更不顧而去，令她無奈又無助！驚到手震的高Ling受訪時坦言深怕被對方的大車夾爆車頭：「佢架大車『發』到我架車，當時最驚畀佢夾爆車頭，依家個人冇事！」她又說車上監察儀不幸失靈，故難作追究。
藝人高海寧於網上留言，大爆昨日出門辦理護照時被車撞，未料事發後對方竟然不顧而去！
沖太歲「黑氣纏身」
生肖屬虎的她表示因沖太歲而「黑氣纏身」，惟有當作破財擋災，她在微博留言寫道：「今（昨）早我的車子被一架旅遊巴撞了，那架可惡的旅遊巴竟然撞完我沒停車就直接走人！唉！今年沖太歲，破財擋災呀！」
其後高Ling接受本報訪問，直言事發時深怕被對方的大車夾爆車頭，驚到手震！她說：「架旅遊巴cut完中線就緊接cut埋落我條線，好彩我煞車煞得快，車內物品都跌晒落嚟！但佢架大車『發』到我架車，當時最驚畀佢夾爆車頭！依家個人冇事，係車嘅門柄同倒後鏡等等會嚴重啲。（當時驚死？）當時好驚，但又未至於出現死亡念頭。」她直言好彩自己與後面隨行的車子距離甚遠，才不至於「炒埋一齊」：「當時我後面係架校巴，我煞車後同佢仲有段距離。好彩佢跟車唔太近，先冇撞埋一齊。」
即時報警車cam失靈
事發後高Ling即致電報警，惟車子的監察儀卻不幸失靈，令她難以追究：「我當時太驚見唔到對方個車牌，即時報咗警。但我架車太耐冇揸，所以個車cam錄唔到嘢。（向保險求助？）問番車房情況先。」
文：影視組