張秀文「肉」成觀眾重口味

「新一代咪神」張秀文昨日以Tube Dress出席商場活動，期間跟魔術師玩雜耍時有點論盡，不時把碟子飛落地！對於埋藏了大半條事業線，隨即吸睛度大減，她笑說：「係我養到你哋咁重口味！天氣太凍，連鼻水都差啲流出嚟。」秀文坦言不一定少布才可稱得上有美感，靠穿衣配搭亦能帶出時尚，問到有否需要保持弗爆身形？她說：「我都OK！唔容易肥同縮水，但要帶驚喜畀大家就頭痛，成日上網搵衫，要吸收咩Style係啱自己，遲啲真係要去潮流界發展！（接受泳衣騷？）都可以，有好價錢更加開心，但嚟緊有旅遊節目出街，入面成日着住三點式浸溫泉，所以幾緊張。（內衣騷呢？）畀自己睇就可以，行騷要諗。」