唐紫睿晒鑽戒封盤

唐紫睿與男友頭貼頭自拍公告戀情。

Hazel甜爆透露男友除送一對珍珠耳環、半卡碎鑽戒指給她外，還花心思訂了電車，在車上掛上93張二人的合照：「我哋拍拖兩個月，佢不停叫我影相，原來係為咗設計今日嘅情人節，好感動，所以我決定公開。」問收到鑽戒一刻有否誤以為求婚？Hazel笑謂：「一見到電車就嚇呆咗，嗰刻好想喊，但我忍住，其實嗰下知佢心意，但大家未係時候。（打算結婚？）同佢好夾，我都有諗，但依家熱戀期，慢慢再睇吓啦。（唔介意閃婚？）依家未係時候，事業啱啱先起步，但唔覺得閃婚係大問題。」

唐紫睿與男友在電車上慶祝情人節。

唐紫睿晒鑽戒但否認結婚。