劉嘉玲豪請拍檔睇騷當敍舊

影后劉嘉玲昨日出席《金龍獻瑞及福星高照醒獅賀歲@海港城》活動，她以Deep V兼露背裝上陣，更與財神擁抱、敲響銅鑼兼為金龍點睛。嘉玲透露今年新年在港度過，並做足布置家居、接財神、封利是等傳統習俗。問到老公梁朝偉（偉仔）有否幫忙？她笑言：「佢坐享其成，幫手食年糕。」

情人節冇仔陪

至於情人節，嘉玲透露偉仔赴印度找法師，故並未一同度過，但偉仔亦識做地送花給她。問到偉仔是否即將開工？她說：「開o架啦，仲未拍完《擺渡人》，聽講又要重頭拍過。（你心唔心痛？）唔到我心痛，精益求精，慢工出細貨。澤東出品，王家衛監製，值得用時間等待。」嘉玲又表示過年後會到台灣旅遊，今年將會拍一部電影。

劉嘉玲主持金龍點睛儀式後欣賞表演。	劉嘉玲與財神抱抱攞好意頭。	劉嘉玲全情投入求籤。

包廂與友密斟

另外，提到嘉玲豪花50萬包下澳門新濠影滙綜藝館的豪華私人貴賓廂房，欣賞樂壇天后麥當娜（Madonna）在澳門舉辦的演唱會，她坦言期待已久。問她會邀請哪位朋友？她說：「平時一齊工作嘅人，辛苦咗咁耐，畀佢哋好好享受，難得有機會有房一齊傾偈。（偉仔去唔去？）唔知呢？唔知佢鍾唔鍾意Madonna。間房坐到20人，我會盡量請朋友去。」

文：名人組