黃宗澤寧要平安鐘 唔恨拍拖
藝人黃宗澤（Bosco）、朱千雪、梁烈唯等昨日出席無綫劇集《警犬巴打》宣傳，Bosco談到早前不慎跣倒導致肋骨有裂痕，Bosco表示醫生也未能估計康復時間，更自嘲考慮於家中安裝平安鐘：「浴室個防滑墊太耐冇換，一踩落去咪成個人跣倒。（有冇着衫？）沖完涼囉，半夜三更唔通赤條條叫阿媽咩！（係咪覺得有另一半好啲？）我需要一個平安鐘多啲！」對於股市近日有跌幅，Bosco表示沒有買股票，但就有買樓投資：「之前買咗間屋畀媽咪，啱啱收樓，都想買番間畀自己。」
而朱千雪則表示情人節當晚孤獨度過：「搵晒全本電話薄都搵唔到一個單身女仔，希望下年啦！（冇拍拖好多年？）自成年後都冇拍拖。（要求高？）呢啲都講緣分，我鍾意浪漫同思想簡單男仔，唔使好有錢。（平時太忙？）都忙，返學又女仔多，我又冇乜桃花！」至於同場的容天佑承認與林穎彤拍拖半年。
