蔡穎恩 陳嘉寶2.14冇男友陪
藝人蔡穎恩（Evelyn）及陳嘉寶（Anjaylia）事業、愛情兩得意，她們新年當然都會到男友家中拜年，Evelyn笑言：「我男友嚟親我屋企拜年，都會買好多海味、餅乾，我爸爸每次都會叫佢咩都唔好買，我男朋友又堅持要買，見到佢哋兩個鬥嘴，真係好得意。」問到有否被親戚追問婚事？Anjaylia表示：「冇，喺親戚心目中，永遠都覺得我係細路女。一有人提起結婚呢件事，父母都會即時話『邊有咁快』，幫我解圍。」
提到情人節將至，二人均表示正日未能跟男友共度，Anjaylia指男友不在港，而自己亦有工作在身，故會延遲慶祝，正考慮親手炮製愛心晚餐！Evelyn則要為舞台劇演出，會為對方自製小禮物，更指男友稍後將看她演出，故會把舞台劇當成禮物送給對方。問她想收到甚麼？她坦言：「我想佢有假期，因為佢實在太忙，要佢放假先有機會兩個人相處。」
服裝：jack will
髮型：Hei @ Xenter