朱智賢晒水着 噴血泥漿浴

不少無綫小花都靠穿泳衣亮相節目成功彈出，繼張秀文，陳婉衡及林泳淘後，2013年落選港姐朱智賢主持的J2節目《3日2夜》，於上周六及今晚播出，Ashley今次到台灣拍攝，搏到盡換了四套泳衣享受各式溫泉，力谷C Cup咪咪兼晒馬甲線及纖腰，身材玲瓏有致，成功吸引網友垂青，泳衣照被截圖瘋傳，Ashley更獲封為新咪神！

全男班陪浸

Ashley表示此行的工作人員全男班，她難免感尷尬，而且拍攝期間溫度只得幾度，要頂硬上捱冷露肉，她說：「上落水溫差好大，上水時凍到震晒，一度覺得唔舒服頭暈。不過體驗好特別，最難忘泥漿溫泉一路浸一路敷Mask，另外日式溫泉泉水就有豐富蛋白質，聞到有蛋白味，浸完真係滑咗！」

朱智賢搞笑扮噴火。	朱智賢搽泥漿上身，笑言浸完皮膚更滑。	被封新咪神的朱智賢，謙稱身材未夠班。

嫌未夠澎湃

對於被捧為新咪神，Ashley直言不敢當：「我唔覺得自己有資格，之前幾位都咁『胸』湧澎湃，不過真係好驚喜，節目播出後多咗好多人留意，好多人讚我禾稈冚珍珠，估唔到身材咁好。（之後會多啲性感示人？）睇工作需要啦，可以繼續着泳衣，但唔想大家標籤咗我係行性感。」

文：影視組