王宗堯赤口孖女友馬場嗌餐飽

昨日大年初三，馬場十分熱鬧！藝人王宗堯與女友黎紀君及方力申亦有現身，王宗堯透露還有家人及朋友同行，笑言初三赤口要入馬場嗌一嗌，希望新年和氣，問他何時派利是？他說：「我哋一齊都唔耐，半年都冇，（今日係咪見家長？）唔係，見過好多次，相處得好好，（父母有冇催婚？）冇，三兄弟都未結婚，今年有個表弟會結婚，都有喜事。」談到日前旺角騷亂，他表示感到震驚，希望彼此都寬容一點，以及切忌打人。