王嘉恩 周國豐 打詠春建友誼
香港國術總會會長王嘉恩（Albert）趁農曆新年，相約一眾會員包括副會長律師周國豐（Brandon）、建築師施家殷等，齊齊拍攝賀年照，舞動獅頭、拿揮春、擺出比武pose等，祝賀大家猴年生生猛猛、開開心心！
舉獅頭的Albert更成為集郵對象，每位成員都輪流跟他合照，實在「少啲臂力都唔得」。向來有學習兵器及氣功的他笑言自己與同樣是武癡的Brandon一拍即合，更不時以詠春過兩手，建立出深厚友誼：「我見佢仲多過見我老婆！學武術令人心情平靜，頭腦同身手都靈活啲。」
學了詠春六年的Brandon，笑言家中兩名小朋友非常活潑，像馬騮仔一樣跳跳紮：「佢哋依家學緊跆拳道，學詠春要多啲耐性，等佢哋大啲先教佢哋。」提到新年願望，他坦言希望事業蒸蒸日上，現經營床褥生意的他，更透露今年打算創立西裝品牌：「我會試做唔同嘅生意，圍繞住有質素嘅衣食住行，目標係做到一個集團咁。」