陳寶珠梅雪詩留港度歲團拜擦糕點
粵劇名伶陳寶珠與梅雪詩（阿嗲）今年五月將合演粵劇《牡丹亭驚夢》，日前相約慶祝新春佳節，兩人花心思擺全盒，拿起各式美食都講出相關吉利說話，意頭十足。
講到過年習俗，寶珠及阿嗲均自認傳統，喜歡留港度歲感受熱鬧氣氛。年廿九是師傅任劍輝生忌，兩人與另一位師傅白雪仙聚會，年初一亦到仙姐屋企團拜，寶珠說：「有好多人嚟o架！川流不息，呢頭食完一批糕點又有第二批朋友嚟。（自己下廚？）要預好多餸，叫盆菜就最好o架喇！」寶珠笑言新年由內到外都要換上新衣物，但未必一定是紅色。阿嗲表示很喜歡過年欣賞煙花，很回味兒時燒炮仗的歲月，因此年初三會到澳門燒炮仗過過癮：「大家都覺得意頭好，又熱鬧又開心！（順便發新年財？）我鍾意玩老虎機，但新年多人就未必去。」
抱孫順其自然
問到猴年大計，寶珠及阿嗲最希望《牡》劇大受歡迎，加場又加場：「祝願大家身體健康、開心，我哋合作愉快，過去一年香港經濟好似唔係太好，希望新一年好啲，咁我哋又可以繼續演出啦！」寶珠表示完騷後或會旅行叉電，兒子楊天經及媳婦要返工未必同行。問到會否想盡快抱孫？寶珠笑說：「唔好催，愈催愈唔得o架！順其自然，我有同天經講，出親活動都有記者問呢條問題，佢就笑吓咁囉！其實壓力都大o架！」
文：影視組
攝：李柏儒
場地：九龍廳