楊千嬅求智慧帶仔行善
踏入猴年，歌手楊千嬅祝東網讀者：「猴年祝大家身體健康、心想事成、學業進步、財源廣進、恭喜恭喜！」千嬅表示猴年予人一種好活躍機靈感覺，而在羊年她的確做了很多自己一直想做的事，所以是一個幾滿足和圓滿一年，不論電影、演唱會、唱片、真人騷、巡唱甚至做一些很少做的事，希望猴年能再下一城，希望可以遇到更多好劇本同有意義的Project。
至於千嬅更計劃帶兒子Torres一齊行善，千嬅謂：「呢個都係一個親子教育，我覺得做慈善係一種學習，喺過程裏面得到好多智慧，而每個人都有責任去回饋社會，我想做一啲親子嘅Project。」
講到農曆新年可會放肆大吃大喝？千嬅坦言：「一定會放膽食，但大家放心，我都好貪靚嘅，我會做運動去返我訓練嘅軌道上面。」而現在千嬅正放年假陪伴家人，她預計復活節後開工，屆時會以最佳狀態來見大家。問到情人節如何慶祝？千嬅笑言：「婚後慶祝呢個節日就好渺茫啦，反而父親節、母親節會重視好多。」
