張嘉兒學派利是張美妮等做廚神
兩位幸福人妻張美妮和張嘉兒情同姊妹，每逢農曆新年都會到對方家中拜年，美妮說：「我記得自己結完婚嗰年，嘉兒第一時間打畀我，問我幾時見面，話要(手豆)我封利是，因為我哋好close，其實我派利是畀佢，我自己都好開心！」
「新手」人妻嘉兒就表示要向美妮請教派利是的要訣，她說：「我今年第一年派，好多問題問佢，例如要封幾多同有咩習俗。」美妮即場傳授心得：「我同佢講一定要預多好過少，換錢又要預早準備，公司又多人，唔夠派就好尷尬！」她們異口同聲說新年願望是兩家人一起去旅行，美妮又說要苦練廚藝，希望明年新年親自炮製九大簋！
