寧願生B唔開騷Kary買年花識講價

第二年以人妻身份過農曆新年的Kary，搖身一變成為賢淑好太太、好新抱，花心思為老爺奶奶揀蘭花，買花布置愛巢：「我去花墟買花，揀桔放喺屋企，以前唔會，依家想間屋靚啲，我啲朋友都好surprise。」她笑言講價方面大有進步：「呢啲都要學識嘅，同埋老公唔會理呢啲嘢嘛。」家頭細務全由Kary負責，她錫晒老公說：「他平時做嘢好忙，冇理由返到屋企要佢執嘢嘛。（果然係賢妻。）我係咪變咗喇？好事吖！」

李幸倪去韓國凍吓

去年Kary在音樂事業上放慢了腳步，她表示今年已有計劃出碟，打算年中入紙申請明年在紅館開騷。不過，Kary對生B一向順其自然，若屆時造人成功會否影響開演唱會？她說：「真係有BB我就情願有BB！我同公司都有共識。」完全流露出恨B之情！

至於Gin Lee過往會回馬來西亞過年，今年父母及家姐來港陪她度歲，並一起去韓國旅行：「我未去過，特登揀啲好凍嘅地方，熱帶國家嘅人好鍾意去睇雪，我都未睇過，希望今年睇到雪。」

Kary（右）與李幸倪合照碎不和。

Kary（右四）與一班師弟妹齊齊拜年。 左起：顧芮寧、李幸倪、Kendy、Robynn、Kary、AGA、麥家瑜、周殷廷

文、攝：音樂組

場地：Francesco by FRANCK MULLER & Eighteen Sharp