莊思敏靠點心養家

張智霖師妹莊思敏與一對孖生妹妹莊思華和莊思明，齊齊入廚學整湯圓，誓要在農曆新年間孝敬父母。三人由搓糯米粉到完成都表現功架，還不時你一言我一語，在一片喧嘩聲中造出「莊氏湯圓」。莊思敏又大爆兩個妹妹自小鍾意「乜都爭」：「明明兩樣嘢係一模一樣，佢哋都爭，個動機可能係為爭而爭。」莊思敏歸咎於大家性格都是硬頸和固執。莊思華展望猴年身體健康：「2015年曾感染豬流感，連手足口病都中過，明白健康嘅重要。」莊思敏則希望新一年在工作上有更大挑戰，最想點心食肆的生意可以帶到內地和東南亞地區，笑言：「想畀點心養起我。」