Gaile享受愛情做快樂美猴兒

Gaile表示每年農曆新年都會回美國老家跟家人一起度歲，今年也不例外。談到過年習俗，她笑說：「媽咪會封定好多利是，裏面有好多金額，有300蚊（美元）、100蚊、2蚊等等，就等我同兩個妹自己抽囉，抽多抽少就睇自己運氣，不過最後抽得少，媽咪話都會畀多封我哋補數嘅，哈哈！」

人生本有順逆

今年為猴年，屬猴的Gaile犯太歲，不過她就沒有記掛上心，她說：「我唔係特別信，我覺得人生本身就有好同壞，有順境同逆境，12年前我都係犯太歲，但嗰年係我最好嘅一年，咁多年都冇過一個特別唔好嘅年，唔好咁迷信，因為呢啲嘢會『形』住，同埋我唔信拜咗神就會發達囉！」

樂基兒認為過年應該要吃賀年菜式應節一番。	樂基兒戴上猴子手套一起「撈起」，寄望來年順風順水！	不諳中文的樂基兒，特別寫上「猴」字，和畫上小猴子。

愛撈起好意頭

早前Gaile率先品嘗賀年菜，先沾一下新年氣氛，菜式包括有龍馬精神（生菜包蠔豉蝦鬆）、金銀滿屋（荔芋珍菌焗金盆）及闔家安康（羅漢福滿袋）等，Gaile特別喜歡其中一道用燕窩、鮑魚、火鴨絲及蜜瓜等材料炮製的「風生水起」，為了好意頭，她還親自混合醬料「撈起」，她說：「我知道『撈起』即係做生意風生水起嘅意思，除咗做生意，我都希望自己今年順順利利！」談及新歡，Gaile表示現階段與男友很開心，而且戀情才剛萌芽，現在談婚論嫁實是言之過早，還是好好享受久違了的戀愛感覺！

文：名人組

化妝：Wendy Lee @ Wendy's Workshop（assisted by Kineta Cheung）

髮型：Harry Lau @ iHair ALPHA

服裝：Sportmax

場地：國金軒（中環）