溫拿跳「躝癱」舞自封Super Senior
成軍43年的溫拿樂隊一連八場的跨年演唱會《溫拿NEVER SAY GOODBYE演唱會》前晚於紅館隆重開鑼，五人唱出多首經典歌曲，五人更輪流上台solo，可見五人寶刀未老。然後譚詠麟（阿倫）換上白金色暗花西裝同鍾鎮濤（阿B）合唱，透露自己是參加歌唱比賽入行，並唱出首次參賽的英文歌，獲全場歌迷歡呼。接着就到嘉賓閻奕格和岑寧兒上台跟阿B及阿倫合唱，他們大讚兩位後輩唱得。
阿B兩女獻聲
當溫拿五虎換上牛仔造型大唱賀年歌，唱到《喜氣洋洋》期間，台下的曾志偉即走到台邊唱了一句，梁家輝則送花。其後阿B邀請兩個囡囡鍾懿和鍾幗上台唱歌，鍾懿還自彈自唱。到尾段五虎換上復古西裝，上面印有五人合照，非常特別。溫拿突然大玩真情剖白，阿倫眼濕濕說：「交朋友係講感覺，我哋有機會走埋一齊，最緊要享受每一分每一秒！」最後溫拿以潮爆造型唱出新歌時，突然在台上搞笑跳舞，掀起全晚高潮，為演唱會畫上完美句號。
受訪時，問五人的的舞步排了多久？阿倫指舞步是五人親自構思，再由Sunny Wong編舞，笑言：「嗰個躝癱動作係陳友諗嘅，要多謝Sunny，我哋係進化版Super Junior，Super Senior！」看到阿倫臉色麻麻，他表示病了，但不會影響表現。談到演唱會超時，阿倫表示要開會傾cut rundown：「如果唔係扣到瞓度，逐分鐘計o架！」
文：音樂組
攝：鄭家俊