容祖兒以靜制動沖喜靠條龍

屬猴的樂壇天后容祖兒今年將36歲，因本命年沖太歲，祖兒笑說：「以靜制動啦，聽講36歲同60歲嘅猴係最犯，最難過嘅，所以會小心啲唔好講錯嘢，我會搣大髀囉！（成日開口夾着脷？）係呀，愈小心愈弊，有時講咗都唔知錯，見你哋笑就知又衰咗。（最好化解方法係結婚沖喜？）我唔知呀，希望條龍仔（劉浩龍）努力啦！」祖兒表示相士指她今年筋骨容易受損，所以跳舞盡量不要大動作。

去老闆家賭迎新歲

年初三祖兒偕好友李克勤飛拉斯維加斯做騷兼度歲，今日大年初一及初二則難得放假，祖兒笑言會盡情吃喝玩樂，近年的除夕，英皇大夥兒都會齊集老闆楊受成家中開賭局迎新歲，她的賭運如何？她笑說：「通常都係老闆贏，佢係大莊家嘛，但我都試過贏少少嘅！」

祖兒更爆除夕夜楊生最「順攤」，她笑說：「嗰刻佢乜都話好(口架)，所以要把握機會同老闆講有乜新年願望，希望老闆幫我達成。」當踏入年初一，現場的Uncle、Auntie同老闆都會派利是，她還開玩笑說：「佢換埋財神衫，掛埋長鬚出嚟派添呀……講笑啫，但真係好高興，啲姐姐就會煎蘿蔔糕、年糕、湯丸畀大家食，好熱鬧一家人咁，之後就會出後花園傾偈呀、大合照咁。」

犯本命年的祖兒，不抗拒結婚沖喜，但要視乎龍仔能否配合。	龍仔	祖兒賭錢相當神經質，下注全無邏輯可言。

與克勤合作慈善騷

今年祖兒有個好開始，在樂壇頒獎禮取得佳績，她說：「記得喺年底許願想2016年做啲冇試過嘅事，因為已經踏入娛樂圈第17個年頭，都想衝擊下，果然上天似乎聽到我嘅呼喚，嚟緊工作都好刺激同有挑戰性。」她笑言近得李克勤多，也令她變得有計劃，她考慮兩人合作搞慈善騷：「我哋兩個形象都唔錯，喺社會都得到唔少認同同支持，如果攜手做一件事可以幫到人，就更有意義。」

文：音樂組

攝：司徒國榮

髮型及場地：hair by Billy Choi @ hairculture

化妝：Hubei Har

服裝：Chloe'

賀年飾物：朗豪坊Monchhichi期間限定Pop-up stor