林泳淘棄外遊獨守「吉」房

無綫藝人林泳淘（Wingto）的父母習慣每年外遊賀新歲，今年亦不例外，令留港工作的Wingto得個恨字：「佢哋有問我去唔去北京一齊過年，但咁啱過完年要拍新劇，惟有自己留喺屋企做準備喇！」她又憶起小時候回鄉過新年的難忘經歷：「有一年返鄉下潮州過年，一家人齊齊整整咁食飯同玩，同埋有得見婆婆。鄉下過年會一班人圍住條村行，行到去嗰家人嘅門口就會放炮仗，好鍾意嗰種熱鬧氣氛！仲記得阿姨買咗旗袍畀我，又幫我鬢辮，依家諗番起嗰時個Look仲覺得好蠢、好傻！（今年恨唔恨有桃花運行？）好嘅桃花當然歡迎，如果係狂蜂浪蝶就咪制啦！」