何佩瑜愛情等運到
藝人何佩瑜（Jeana）日前到時尚名店掃新衫過年，她揚言很久沒逛街濕平，坦言近幾年心態大變，自嘲變宅女：「可能人大咗，變得好怕去多人嘅地方，就算約朋友食飯一係去我屋企，一係朋友屋企，驚咗啲人群。」三年沒拍拖的她感情未有着落，一個人居住令她變得更獨立，揚言「膊頭硬咗」：「以前同屋企人、同男友住，習慣咗倚賴，依家一個生活好大轉變，風吹雨打都捱到，長大咗。」
Jeana一直給予機會追求者，可惜始終緣分未到：「異性約食飯我會應約，睇有冇火花，不過唔係做呢行，大家溝通唔到，我入唔到佢世界，佢又唔明我講乜，等極甜品都未上，好想餐飯快啲完！」信佛的她坦言相信緣分：「緣分要嚟擋都擋唔到，要走嘅留都留唔住。」一直忙電影工作的她，新年終於可返老家北京拜年：「北京人有個習俗，年三十晚啲大人會包餃子，凌晨五、六點食，今年我會幫手包，以前只係掛住食！」過年後她將陸續為新片宣傳，繼續為其演藝事業打拚。
化妝：Jan Chan @ Annie G.
髮型：Franco Chung @ HairCorner
場地、服裝：Twist（Mira）