吳若希鄭俊弘歌視猴擒發展
吳若希（Jinny）、許廷鏗（Alfred）、鄭俊弘（Fred）及胡鴻鈞（Hubert）早前齊齊為TVB娛樂新聞台錄影賀年節目，Fred更幽默地扮Jinny影攝鏡相，相當搞笑！Jinny則笑言經常遭三子寸爆：「希望大家唔好成日寸我！（邊個最多？）佢哋輪住寸！」眾人大談猴年大計，Jinny盼能換個心情迎接新一年：「希望猴年有正桃花，唔好病，唔好成日頭痛，身體好啲，而工作方面就承嘟姐（鄭裕玲）貴言，做一個全面嘅藝人，包括唱歌、拍劇同做主持。」
談到拍劇，剛出完唱片的Fred，坦言對再入劇組感到緊張：「呢兩年做音樂多，反而少拍劇，依家開始緊張。以前喺外國反而覺得農曆新年氣氛重啲，因為我識功夫，有時會喺唐人街舞獅同採青，我做獅頭(口架)！」而Alfred自言未拍過劇，亦希望有機會一試。