小儀：帶我進軍荷里活？
個子細小的女藝人阮小儀自爆對高大猛男周潤發情有獨鍾，直言最愛發哥在《秋天的童話》中扮演「船頭尺」，希望發哥可帶她進軍荷里活，但搞笑的發哥笑言至多可帶她行荷李活道。
小儀：我愛發哥！因為發哥高大囉！我咁細粒，梗係鍾意高大嘅男士啦！仲有我聽聞發哥係非常好嘅男人，除咗對身邊女人好，對所有女仔都好好，好gentleman！其實我由細到大睇你嘅電影實在太多喇！你有冇諗過加我喺你嘅戲入面呢？過鏡都得(口架)！就咁出嚟：『呀！』跟住冇，都得(口架)！我想去吓荷里活發展呀！畀個機會我吖！
發哥：小儀你咁嘅高度，你過鏡會畀我遮咗(口架)喎！你明白嘛？如果你真係想去荷里活，坐港鐵去到中環行兩步，喺威靈頓街轉上去就到荷李活（道）(口架)喇！唔使去好遠，香港都有荷里活(口架)！又或者你去鑽石山啦！一上去就係荷里活廣場嚟(口架)喇！你唔使故意買機票去荷里活，香港都好多荷里活，我都係喺呢啲荷里活出身，多謝你。