重視傳統必陪阿媽

一向重視家庭的城城，過年習俗當然依傳統，城城表示：「我一年之中最重視農曆新年，亦一定同公司攞假期，同家人過年。我亦主力喺春節假期返屋企陪媽媽，一家人食團年飯、開年飯。仲有媽媽屋企可以睇到煙花匯演，所以好多時食完開年飯，會上天台睇煙花。至於過年嘅用品飾物，媽媽會一一為我準備，所以我只係去買啲應節賀年糖果就可以。而自己亦係傳統嘅人，一定去買啲新衫去應吓節，自己亦會動手布置一吓屋企，掛啲揮春同年畫，同埋擺放應景嘅年花，增加屋企過年氣氛。我亦會同朋友拜年，亦會參加公司團拜，大家會小賭一吓，吃吃聚聚，又會派開工利是，因為過年團聚係好開心嘅。總之就盡力享受過年嘅吃喝玩樂。然後假期過後全力投入工作，希望大家有個稱心如意嘅猴年。過年記得去睇我演出嘅孫悟空呀。」