陳瀅轉移視線搏殺顯實力
跟何家四房公子何猷亨蜜運當中的「宅男女神」陳瀅，相約公司模特兒一起吃團年飯，事業愛情兩得意的她，坦言與猷亨拍拖後，大家都將焦點放在兩人的戀情上，抹殺了她的努力，揚言猴年會以行動證明其實力。
陳瀅（Jeannie）藉着新年前率領同公司的模特兒梁諾妍（Inez）、袁澧林（Angela）及鄭綽芹（Emma）到中菜餐廳吃團年飯，齊齊擦餐勁！Jeannie反傳統謂希望新年期間開工，又避談會否到男友家拜年：「我會返廣州同爹哋拜年，同埋都會繼續黐住同居密友何雁詩，佢變咗我嘅親人，佢同男朋友好事近，可以攞定利是先，（幾時到你派？）我有排啦，再穩定啲先。」
用實力去證明自己
問到公開戀情後，是否擔心外界焦點放在戀情上，抹殺她一直的努力？她說：「我都擔心，發覺依家所有嘅衫褲鞋襪都關佢事，都有少少唔舒服，例如我同何雁詩、阿Moon（劉佩玥）有同一隻戒指，突然又變咗關佢事；我今年都會同之前一樣專注事業，唔會因為開始新戀情就懶咗或者冇咁勤力，希望嚟緊呢一年可以證明到畀觀眾睇，我係用實力去證明自己。」
新年習俗愛逗利是
談到農曆新年的傳統習俗，Jeannie表示最愛逗利是：「利是到農曆十五先拆，屋企人話利是愈擺得耐，就會愈多錢。」Inez續說：「我喺澳門出世，所有親戚都係晒嗰邊，所以全家人年初一會返去同公公、嫲嫲拜年，會喺嗰邊逗留四至五日。」Angela就笑言喜歡收利是之餘，仲會喺人哋嘅果盤攞啲糖擺落袋，十分為食；而Emma則謂愛行年宵。至於避忌，Inez表示曾於年初一洗頭、Angela在新年買鞋不吉利、Emma沒有用碌柚葉洗澡，而遭家人責罵。
文：名人組
化妝：Vinci Tsang
髮型：Larry Ho @ IL Colop
服裝：PAC @ TWIST、Toup a Coup & Mini Cream @i.t
場地：大都烤鴨