石詠莉揀花變師奶起勢講價
到維園年宵逛花市的藝人石詠莉與張健聲，為所屬公司中國3D數碼娛樂的攤位宣傳電影《櫻桃小丸子大電影：來自意大利的少年》。兩人在攤位落力叫賣，成功吸引市民圍觀幫襯，張建聲搞笑「倒米」：「埋嚟睇，買一送十一……唔使錢呀……埋嚟喇。」
花巿有不少年花，他倆希望為家中添置年花，目標買水仙花的石詠莉表示：「桃花就唔使搞喇，試過有年買咗棵桃花，桃花運就冇，桃花劫就有，所以之後都唔敢再買桃花，同埋依家都唔使啦，買水仙花就好喇，成屋都香。」石詠莉揀花時大晒「師奶仔」講價本色，最後水仙花由$138元減到$118成交。她透露年初一會飛到三藩市為選美擔任嘉賓，剛巧男友鄧健泓也在當地登台，兩人可齊齊在三藩市過年。
催旺觀眾緣
張健聲則想買桃花擺放家中催旺觀眾緣，買了十多年桃花的他有一套選購心得，喜歡較多未開的桃花，可以慢慢綻放，而且枝幹要夠直：「今年搬咗屋，當可以買棵大少少嘅桃花，愛情運就夠喇，希望可以增加觀眾緣，今年再旺啲！」挑選時他雖然看中了一株$380的桃花，旁邊的石詠莉也出口相助講價，可惜未能得手，惟有再多看兩間格價。
文：影視組