發哥：唔得！死人o架！你知唔知組團去喜馬拉雅山，要好多裝備，好多訓練，係好貴好貴！唔去得！唔好亂去！唔係上去大帽山呀！大帽山都困咗幾十人啦！千祈唔好搞呢啲嘢玩，你哋只可以去邊度呢？麥理浩徑、衞奕信徑，有個地標，電話又可以搵到你，可以求救嘅地方先好去！最安全係城門水塘、大美督水塘，大家都知你喺邊度。最好唔行啲澗，有時如果落大雨山洪暴發，沖鬼咗你去邊都唔知呀！仲有千祈唔去行去啲要搵繩拉住過嗰啲呀！好危險呀！跌死你呀！
網民：「發哥行山方面仲有咩想挑戰呢？全香港都畀你行勻晒。」
發哥：未行勻！好多危險地方冇去，梗係唔去啦！跌咗落去，有啲地方係萬丈深淵嚟，搵唔到你o架！千祈唔好搞。