鄧紫棋重手封利是冇交嗌

「宇宙天后」鄧紫棋（G.E.M.）昨日難得在港舉行新碟簽名會，身穿紅色貼身上衣的她露出小蠻腰，吸引近五百粉絲捧場，她表現親民跟粉絲影大合照。受訪時她表示相隔三年再出碟及舉行簽名會，對於眾多歌迷到場支持令她很感動：「因為今日呢個簽名會扣除成本後會將所有收益捐畀慈善組織，好多歌迷知道有意義都願意支持。（點樣報答歌迷？）我會努力啲，希望佢哋睇到我用心表演。」

G.E.M.表示會在香港過年，其中初一會去拜年，初二會跟朋友開Party，初三赤口會向公司同事拜年，她笑言：「所以就派利是畀佢哋。（等赤口鬧少啲？）如果赤口可以唔嗌交就成年都可以唔嗌交。（預幾多位數字利是？）都多，比過往嗰年倍數增長。（六位數字？）都差唔多。」她表示一來在內地工作收入上升，二來同事努力工作，故想分享喜悅，她亦笑言自18歲開始派利是，但當時因年紀太小，大家都不夠膽收。

鄧紫棋十分識做，與到場粉絲來個大合照。	三年沒舉行簽名會，自然吸引大批粉絲捧場。	鄧紫棋將簽名會的收益捐給慈善機構。

否認華晨宇緋聞

至於跟內地歌手華晨宇的緋聞，G.E.M.否認謂：「唔知點解每星期都有呢啲新聞，冇一個係真。（有傳你搶走JW男朋友，真定假？）全部歌迷都知發生咩事，冇人信。」問到她現時可是單身？她則謂：「我新年願望係希望事業、愛情、家庭都可以順其自然。」提到好友何超蓮傳被霍啟山力追，她笑言怕再爆好友的事會被打，超蓮也叫她小心說話。

文：音樂組　

攝：司徒國榮