「藥煲」克勤帶藥開工
曾與阿倫結伴以「左麟右李」孖住春節開騷的李克勤，昨日已飛抵馬來西亞雲頂準備舉行個人演唱會，故未能到紅館捧阿倫的溫拿演唱會場。日前克勤剛完成錄影內地節目《我是歌手4》，他在長途電話中表示，因內地天氣嚴寒，加上不停排練馬來西亞、拉斯維加斯及紐約的演唱會，體力透支下終於病倒，要帶病錄《我是歌手4》第五、六集，他更要帶備五樽中藥隨行，希望早日康復。
有傳好友容祖兒將以後補歌手身份參加《我是歌手4》比賽，屆時他有可能跟情同「兄妹」的祖兒「手足相殘」？克勤避忌地說：「真係唔好問我，我唔識答你呀……，本來我係想搵祖兒做我嘉賓嘅。」在六集《我是歌手4》中克勤均選唱廣東歌，作為香港歌手的他對廣東歌有情意結，但不排除之後會揀唱國語歌：「不過我未唱自己啲廣東話，如果我未『瓜』（被淘汰），會嘗試搵郎朗做我嘉賓唱番自己啲歌。」
