李蕙敏讚舞台效果

雖然個多星期後麥當娜會來港開兩場騷，但李蕙敏（Amanda）已搶先到台灣朝聖，完騷後她開心表示偶像唱了好多平時好少唱的歌，令她非常滿足。Amanda更大讚麥當娜將舞台任何一部分玩到極盡：「好似有Part淨係起咗個斜台，睇落好簡單，但麥當娜同Dancers喺斜台做出唔同動作，效果非常好。另一Part有啲金屬鋼架好似槓桿咁，上下360度轉圈郁，佢哋一齊企喺上面，同唔同方向嘅觀眾近距離接觸，好似會飛落嚟咁，感覺真係好強烈。」
李蕙敏表示麥當娜唱了很多平時少唱的歌。
李蕙敏表示麥當娜唱了很多平時少唱的歌。

除了Amanda，另一港星陳曉東亦與老婆拍拖捧場，兩公婆在現場自拍，東東還留言：「我差啲就上台啊！她掟出來的花和我擦身而過，我一念之間錯過了娶她的機會。」而去年已在美國率先睇麥當娜開騷的蔡一傑亦有到台灣睇騷。

李蕙敏讚舞台效果一流。
  • 李蕙敏讚舞台效果一流。