鄧詠雪唔怕三高愈甜愈愛

組合HunterZ成員鄧詠雪（Suetzi）一向愛甜食，身為「甜姐兒」的她透露High Tea是閒時必備節目，並樂在其中：「一嚟我好鍾意High Tea入面嘅鬆餅，二嚟係覺得啲嘢食好靚，所以會周圍去試唔同嘅甜品。自己較喜愛荔枝味嘅甜品，因為有好清新口感；其次就係焦糖，覺得呢種甜味配搭喺好多嘢食上都好好味。」她又謂假日在家會自製鮮果汁配甜點：「我成日會用蘋果、紅菜頭、紅蘿蔔嚟榨果汁，有營養又好好飲。」
「甜姐兒」鄧詠雪最愛四出品嘗坊間不同的High Tea。
「甜姐兒」鄧詠雪最愛四出品嘗坊間不同的High Tea。

Suetzi自言十分饞嘴，幸而擁有食極唔肥的天賦才不怕三高：「呢個咁好嘅基因，係遺傳自爸爸，不過都要保持做大量運動，我一星期做三至四日，食得多就要運動得多啦！」

鄧詠雪自言十分饞嘴，最愛荔枝味甜品。
  • 鄧詠雪自言十分饞嘴，最愛荔枝味甜品。