陳細潔去舊迎新捐衣物改價值觀
鯊魚女陳細潔（Abbie）去舊迎新，每年均會執拾一大堆不穿的衣物捐贈善慈機構，當中有不少更是全新，Abbie揚言以前是購物狂，為獎勵工作辛苦買名牌從不看價錢，但自做了保良局總理後，出錢又出力，深明施比受更有福。
新年前大掃除，Abbie每一年均會清理家中的衣服捐去慈善機構：「有時買嘢可能當時就覺得又抵又平又有大折扣，唔買對唔住自己，但買返嚟又未必鍾意或未必會着，以前買名牌唔會諗價錢，因為自己搵自己用，唔會諗未來，依家體會到十萬元其實可以用喺好多地方，買嘢唔一定要買名牌，會計幾錢，知錢好難搵，有好多人需要，思想唔同，價值觀唔同。（以前算係購物狂？）以前覺得自己做嘢好辛苦，要獎勵自己，但啲衫放喺度兩年之後就算着都係得一、兩次，咁好浪費，捐咗佢仲好。」Abbie最後執拾了三大箱行李箱的衣服，當中更有些是從未着過。
