朱慧敏電話拜年 收線狂喊
藝人朱慧敏（Queenie）日前穿上中式旗袍跟大家拜個早年，她表示因受外婆影響而愛上傳統服飾，而她亦指自己每年均會跟隨習俗大掃除：「好鍾意送舊迎新，如果有衣物唔要我會送畀朋友，或者捐畀慈善團體。依家都唔會話介意着人哋啲舊嘢，用得唔好嘥，啲嘢保存得好其實唔會睇得出係舊嘢。」
更珍惜家人朋友
18歲時往美國留學的Queenie更分享在他鄉過年的感受：「第一年嘅農曆新年好難忘，覺得自己好淒涼！我喺西雅圖讀書，都有華人區、唐人街，但就冇紐約、洛杉磯嗰啲咁大型，第一年未識到朋友嗰陣完全感受到咩叫『每逢佳節倍思親』，我自己一個人，嗰邊又凍又落雪，一打（電話）返去香港同屋企人拜年，成家人好開心又打牌又食飯，我就孤零零對住部電腦做功課，喺電話同親戚逐個拜年，一收線就忍唔住喊，真係太掛住屋企。不過對我嚟講都係好好嘅經驗，令我更加珍惜朋友同屋企人，亦令我特別鍾意過節！」
文：專案組
化妝：Kitson Yu@Portfolio
服裝：Yi-Ming
場地：Mira Moon Hotel