吳業坤做安德尊接班人

藝人吳業坤、黎美言（Winkie）、徐肇平、黎燕珊、張啟樂、Kawaii及來自台灣的林大晉、2*sweet昨日等現身灣仔修頓球場，支持2月5日至2月7日舉辦的「青少年創業營商體驗計劃 創意年宵@灣仔」。

叫柏豪派利是

受訪時，坤坤表示工作到明晚（年廿九）才收爐，將會與周柏豪出席倒數活動，又笑言想(手豆)對方的利是：「我之前見到佢同佢講，叫佢記得畀利是我，佢就話不如送啲衫畀我，我仲開心。（你做佢代言人？）我會整低佢品牌質素。」身穿黃色賀年裝的他又自嘲fashion sense麻麻，笑言打扮似安德尊（大王）：「希望到時同大王差唔多年紀可以同佢一樣做財神。」而坤坤預告年廿九完成工作後會去行年宵：「又係同許廷鏗、胡鴻鈞嗰啲去，幾條麻甩佬。（唔約女仔？）約女仔梗係要單獨，同埋冇理由兩個去逼，做第二啲活動，食飯之類。」

Winkie升cup

Winkie透露近日上圍升cup，希望穿衣服時更有美感。有指公司四小花之一的黃倩婷（Cindy）因秘嫁才俊而被老闆娘諸葛紫岐（Marie）怒炒一事，Winkie表示沒有此事，又提到24日為公司春茗，屆時會一起演出。而徐肇平就透露忙於製作到新加坡拍攝的旅遊烹飪節目《Show we Go》，希望趕及在月底推出：「呢個係我哋自己出錢同做製造嘅，所以比較辛苦。」

文：音樂組