陳嘉桓整糕點「猴」擒喪食

年僅23歲的女星陳嘉桓（Rose）生肖屬猴，日前她趁猴年到馬騮山與「自己友」Gathering，與一眾馬騮相處融洽，因近年政府立例嚴禁遊人餵食猴子，Rose兩手Fing Fing沒有帶備食物膠袋，但搞笑地拿着公仔通山跑，猴子們在Rose身旁乖乖坐定，有的更望實Rose表現好奇，看來Rose果然有種「磁場」能安撫猴子，場面超搞笑！

與好友搞網購

身形Fit爆的Rose猴年大計多多，她笑言最緊要是「食飽個肚」，暫時將Keep Fit計劃拋諸腦後：「其實我好為食，鍾意食蘿蔔糕、年糕，我可以食足一底，以前仲會幫手整蘿蔔糕，落好多料，有咁肥得咁肥，我又好鍾意食盆菜嘅冬菇同枝竹，貪佢索晒啲汁！新年要放縱下，一於食到初七，之後先諗減肥啦！」

Rose新年願望多多，想拍拖又想事業更上一層樓！	Rose令馬騮都回望。	平時跳跳紮的馬騮，在Rose旁則乖乖坐定。

講到新年願望，Rose希望電影方面能擴闊戲路，並投資近六位數踩入商界，與好友搞網購過老闆癮，她說：「成日聽到有人想炒賣復刻版波鞋，身邊朋友有門路，所以覺得有得做。」感情方面，Rose講明想拍拖，笑言要買桃花催旺姻緣，又大談擇偶條件，希望對象成熟穩重！去年幫手湊新生胞弟的她，母愛氾濫，笑言想早日做媽咪！

15歲行桃花運

另堪輿學家李丞責指作為猴女的Rose，要多加注意合約問題及留意跟長輩的關係，他又指Rose由30歲開始便行20年大運，但現在是等待收成期：「佢呢幾年要捱吓，猴年特別要注意拍打戲容易受傷，但到30歲後就開始行好運，唔使再捱，至於感情方面唔使着急，因為佢15歲就開始行桃花運！」

文：影視組　

攝：劉斌