楊千嬅：帶仔去邊玩好？發哥：行山遊水塘

千嬅：「大家好！我係楊千嬅！我喜歡發哥除咗因為佢嘅神級演技、好有型瀟灑、到依家仲好似18歲咁之外，主要原因係發哥好提攜後輩，肯畀機會同業同照顧新人，好值得學習，同埋佢好有智慧同好fit，有機會都想請教佢點樣保持咁fit！我想問發哥，如果我同（囝囝）Torres有半日得閒，你會帶我哋去邊到玩呢？」

發哥：「同佢行山啦！行水塘啦！（有小朋友喎！）得o架！好多水塘好靚，有樹蔭又唔驚曬親佢，又乾淨又冇咩蛇蟲鼠蟻，如果去城門水塘，有馬騮睇，佢哋不知幾開心！細路仔鍾意睇馬騮(o架)嘛！你睇到馬騮跳水不知幾開心呀！」

千嬅：「如果有機會飾演Hero，你會揀做狼人、Ironman定係Batman？」

發哥：「都冇咩所謂，你企喺度，都係啲特技做晒，超人Superman比較型，有件戰衣飛吓飛吓，但係Superman好似又冇Batman咁有型喎！佢笠住半塊面，Batman得o架喇，好睇！成身黑夠型！」