三大玄學家批感情昇華 「鋒菲」隨時結婚生B
謝霆鋒與王菲世紀復合，震撼整個娛樂圈！三大玄學家李丞責、陳子才和麥玲玲均預測「鋒菲」感情極有機會昇華，甚至會結婚生B！李丞責說：「猴年係霆鋒嘅本命年，佢八字屬純陽金猴，仲有文昌星，代表佢有機會簽合同，而婚約同買樓都係屬於簽合同嘅一種，所以佢猴年有好大機會做呢兩件事！霆鋒命格由33歲至43歲行戊子大運，猴年係佢37歲虛齡，行結婚生仔運，呢兩樣喜事隨時發生，呢兩年走唔甩！」
而陳子才亦批「鋒菲」猴年結婚，他說：「兩人猴年夫妻宮暗合，代表佢哋暗中結婚嘅機會好大。」至於麥玲玲亦指「鋒菲」結婚不能再拖：「兩人猴年結婚機會非常高，佢哋命格都顯示要把握猴年同雞年呢兩年時間，結婚同生B都有機會喺呢兩年發生，如果拖過雞年，就要等多一段長時間先有機會結婚！」