Alvin Goh苦操爆肌冇啖好食
為日本樂壇天后濱崎步巡唱擔任形象指導的著名形象美容造型師Alvin Goh，早前拍攝雜誌封面，為騷一身爆肌身段，特別用了短短5天來操肌，不過過程猶如坐牢，十分痛苦，他說：「12月嗰陣我飛得好犀利，一個月飛日本11次，所以只有4、5日嚟操。每日要做運動兩個鐘，乜都唔食得，只可以食好清淡嘅雞肉，同埋飲5公升水，因為要飲大量嘅水排走身體嘅鹽，咁個人先唔會腫。」
他笑指那段時間剛好傭人休假，沒有人煮食，分外難受：「我煮嘢好難食o架！」他又謂正值聖誕新年佳節，但自己因「冇啖好食」，所以心情煩躁，別人出外狂歡時，自己則躲在家中吃白烚雞肉和喝白開水；不過這次拍攝效果反應很好，令他覺得十分值得，他笑說：「好開心可以有呢個機會去測試自己嘅意志力！」
圖：《MRRM》雜誌