「東華慈善嘉年華」激減優惠 蕊蕊計落話有着數
充滿節日喜慶氣氛的「東華慈善嘉年華」，備受群星熱捧，挑戰享負盛名的「陀飛輪」以及「超級搖滾」等機動遊戲。這個適合一家大細攞滿Fun的嘉年華，最近推出「全日無限任玩套票」，所有人士免費入場之餘，更可以優惠價購買機動遊戲套票，原價760元的套票，大人折實220元、3歲至11歲小童折實180元。
平時精打細算的女藝人蕊蕊，聞得有「咁筍」優惠，即刻化身神算子說：「全日無限任玩套票，大人都係220蚊，咁我買一套就慳540蚊，叫埋金剛去就總共慳成1,080蚊，嘩！慳慳埋埋夠食自助餐。」黃紫盈則認為免費入場難以置信：「真係要趁新年去吓先！」酷愛刺激的溫家偉，亦說成件事啱晒佢！
