唐貝詩童年錯過收利是
名媛寇鴻萍的女兒唐貝詩（Lydia）直言自己是「節日狂」，她為應節特地紮起「春麗」髮型兼「寫大字」賀年！Lydia說：「我好耐未寫過毛筆字，今次寫嘅揮春會貼喺房！我覺得農曆新年紅卜卜，有一種新一年運氣好好嘅感覺。」她又透露大年初一會棄舊迎新，着鮮色新衫去迎接新一年。
Lydia又興奮表示一定要和家人去拜年兼收利是：「以前喺外國讀書，冇農曆新年假，其實嗰9年喺英國讀書，都會覺得miss咗新年，尤其細個梗係鍾意收利是，所以依家可以同屋企人過就好開心！」問到親戚朋友會否催她拍拖？Lydia說：「屋企人冇催我拍拖結婚，我自己又啱啱簽咗一年電影公司，雖然我都知感情嘅嘢好難講，但嚟緊都希望專注工作！」雖然未結婚，但不少藝人都會派利是，Lydia笑言自己未懂禮儀：「我嚟緊會學吓，會封定啲利是擺喺手袋。」
場地：L16餐廳
妝髮：Shanny Au
服裝：Duier