宣萱想奸到出汁：愈憎我愈好

每逢過年與長輩聚會必會被催結婚或生小朋友，但藝人宣萱就笑指其父母早已放棄催她：「呢樣嘢父母都放棄咗，唔催啦，因為親戚多數喺澳洲，變咗過年見唔到面，佢哋都好少問啦，都呢個年齡，見到面最緊要開心！又唔係一定要，搵到啱嘅咪開心囉，搵唔到又覺得ok。」

不抗拒回巢拍劇

宣萱已多年沒有在無綫拍劇，早前《尋秦記》在深宵時段重播，深受網民歡迎！談到新一年會否回巢拍劇？宣萱表示不抗拒，只要有適合的角色便會演，更指自己懷念以前的時光：「我依家比較少睇劇，始終我自己會懷念以前多啲。以前拍過嘅舊同事，好似之前杏兒結婚，我哋成班好似聚會咁，勾起好多回憶。」

宣萱最近與舊拍檔吳啟華再合作拍新劇。	宣萱笑對「人質王」封號，希望成為拍劇被綁最多的紀錄保持者。	宣萱

她又透露正拍攝鄧特希監製新劇《隱世者們》，由於與以前劇集《壹號皇庭》的舊同事合作，如陶大宇、吳啟華等，感覺很舒服。

最近「人質王」封號又再被炒起，宣萱笑說希望成為拍劇被綁最多的紀錄保持者：「由唔知幾時開始畀人察覺，基本上拍一個劇都畀人綁一次，古裝同時裝都綁，幾得意！我又繼續儲多啲，希望成為拍劇畀人綁最多嘅紀錄保持者。」雖然宣萱多數飾演專業角色，但原來她一直希望奸到出汁：「我兩年前喺內地拍咗套壞壞哋，但未過足戲癮，始終未去到盡！依家觀眾分得好清戲裏戲外，佢哋愈憎我愈好。」

文：甄之慧

攝：李柏儒

服裝：KAREN MILLEN

髮型：Bluedy Wong @ Hair Culture

場地：Mira Moon Hotel