諸葛紫岐：等佢返嚟傾
星韜國際娛樂文化老闆諸葛紫岐（Marie）一向愛錫旗下藝人，尤其視小花之一黃倩婷如契妹般看待，昨日卻傳出黃倩婷瞞住老闆私下與男友到蘇梅島結婚，有指秘婚一事令兩人關係生變。
昨日Marie回應是否叮走黃倩婷，她表示對方已主動向她匯報，看來兩人已冰釋前嫌，她說：「佢主動打畀我，我已經清楚知道發生乜事，因為佢依家唔喺香港，等佢返香港搵我食飯再傾，（你哋合作有冇變？）我同佢之後嘅合作，等佢返嚟慢慢傾，（幾時約滿？）當然未約滿，年期幾長係商業秘密。」昨日網上流出多張黃倩婷與老公的婚照，相中兩人又攬又錫，又一同看煙花，浪漫sweet爆，有指黃的老公任職董事，可謂年輕有為。
