鄭敬基閃婚 今年娶圈外女友

猴年將至，歌手鄭敬基（Joe）昨日以嘉賓身份在商界早餐會議上宣布與女友Angie的婚訊，據知Angie是地產經紀，Joe在電話中笑說：「點解你咁都收到消息，（係咪結婚先？）的確係，佢係百分百圈外人，我話佢知我好朋友係錢嘉樂，但佢攞本書指住余文樂問我係咪呢個！」他大方承認將於今年迎娶女友，談到兩人認識經過，Joe說：「去年6月3日先認識，因為教會邀請我做分享，佢係聯絡人，之前我哋只係電話聯絡，都未見過面，直至嗰日。」

跪地求婚

由認識到求婚不足半年，Joe坦承屬於閃婚一族，他笑說：「算係，求婚嗰日係女友生日，係11月25日，喺番第一次我哋見牧師嗰間酒店，雖然冇花，但有戒指同跪低。」Joe表示很喜歡Angie是個很直、很簡單，對工作熱衷、忠誠，很愛主的人，他笑說：「好得意囉，通常係男仔畀安全感女仔，但佢畀到安全感我，唔介意年齡相距有幾大，我哋有共同信仰，價值觀又相同，總之心裏面有呢個感覺。」

鄭敬基與女友昨日在早餐會議中公布喜訊。

鄭敬基（左）表示一對仔女（前排）均支持他的新戀情。

仔女支持

至於婚期，Joe笑說：「一定係今年結，應該會喺教會行禮，一般做法，始終唔係做騷，最緊要大家舒服。」他坦言結婚一事本來很低調，僅家人及幾個相熟摯友知道，他笑說：「雖然我哋係光明磊落，都唔使收埋，但唔係話要張揚做宣傳。」Joe也第一時間將喜訊告之一對仔女，他說：「佢哋都好開心，由我哋開始拍拖，我已經有同仔女開心share，佢哋都好支持我。」

文：音樂組