呂慧儀惡得滯囝囝唔肯叫阿媽
藝人黃智賢、江美儀、呂慧儀、陳敏之和韋家雄昨日為無綫新劇《親親我好媽》試造型，已為人母的呂慧儀飾演慈母，講到平日管教兒子，她說：「對個仔係我惡啲，所以個仔有乜就搵爸爸救命，唔知係咪話得佢多，詐唔肯叫媽媽，淨係叫爸爸，好傷心呀。」
黃智賢與江美儀飾演夫妻，問可有床戲？黃智賢笑說：「集集都有床戲，套劇講夫妻關係，我哋經常喺房裏面傾偈o架。」
提到亞視拖糧問題仍未解決，前亞視藝員江美儀說：「咁落去唔係辦法，已經兩個月冇出糧，其實大家留喺度因為有份情，但依家大家應該收拾心情，準備食散水餅。（應該停播﹖）唔理啦，當前急務係要快啲出糧。」