陳煒、苑瓊丹（苑仔）等前晚於尖沙咀出席無綫劇集《火線下的江湖大佬》團年晚宴。被問到誰人負責埋單，陳煒笑言：「我、苑仔、黃光亮畀大份啦！」陳煒透露新年要看另一套劇劇本，亦有可能會到台灣陪老公，要睇對方會否來港相聚。至於早前拍戲受腳傷的苑仔，直言因沖太歲故常受傷：「之前吊威吔拉親條腰，出街又仆親，今朝追自己隻狗又仆一次，過完年去攝太歲。」苑仔又自稱「博命」拍跳崖戲。
