雨僑勝在粒癦

• 何浩文 《國產凌凌漆》凌凌漆
  何浩文唏噓嘅鬚根，加上憂鬱嘅眼神，的確勁似凌凌漆呢個最玉樹臨風的豬肉佬造型，佢仲有杯Dry Martini，一個字，絕！

• 王宗堯 《西遊記大結局之仙履奇緣》唐僧
  男神王宗堯扮唐僧，唔使一定要唱《Only You》，穿起件袈裟，笠番頂帽，拎埋禪杖，都可以好型，羅家英一定贊成。

• 欣宜 《家有囍事》何里玉
  《家有囍事》張曼玉飾的何里玉有多個造型，最爆一定係扮麥當娜用兩個雪糕筒當Bra，欣宜扮何里玉，都唔錯，只係拉闊咗少少。