玩具大王蔡志明的三名子女蔡加敏、蔡加怡與蔡加讚前晚出席東華慈善晚宴，肚凸凸的蔡加怡宣布懷孕第二胎五個幾月，但性別就要保持神秘，問到是否孖胎？她表示：「唔係，但第一時間就問醫生係一個定兩個。」問之後會否再追BB？她望望老公陳漢驄，老公表示兩個都好好。提到全屋小朋友是否夠開兒童樂園，她笑笑口說都好，而加讚表示組成籃球隊就冇問題。問加讚會否為孖仔搞百日宴？加讚表示：「會慶祝，但睇圓圓身體點。（點獎勵圓圓？）睇佢鍾意乜。」他透露孖仔中文名未改，不用跟族譜，會自己改。
