林子祥投訴葉蒨文裙太短

歌手林子祥（阿Lam）前晚於紅館為一連四場的《林子祥佐治地球40年演唱會》演出第二場，好友杜麗莎、蔡一智、黃佩霞、張艾嘉夫婦、朱玲玲等到場支持，今場阿Lam除了請到側田做嘉賓，亦再次找來老婆葉蒨文（沙麗）及仔仔林德信（Alex）合家歡演出，並合唱美國組合Peter, Paul and Mary的歌。
葉蒨文穿上短裙獻唱，被林子祥話穿晒崩。
葉蒨文穿上短裙獻唱，被林子祥話穿晒崩。

沙麗在唱《Make My Day》時，以短裙配魚網絲襪站在陽台上獻唱，阿Lam見到即笑言：「啱啱邊個嚟o架？突然出現嘅，着到條裙咁鬼短，呢度穿晒崩喇！」今場沙麗繼續大爆阿Lam怪癖：「佢好鍾意儲錶，但成日都問人幾點，因為佢唔會戴錶。」

林子祥、葉蒨文和林德信一家三口合唱。
  • 林子祥、葉蒨文和林德信一家三口合唱。
張艾嘉與老公齊齊捧場。
  • 張艾嘉與老公齊齊捧場。