鍾采羲食厭散餐 恨正經拍拖

一班晶女郎包括文凱玲（Connie）、「爆E Iris」鍾采羲與師妹林莉嫻（Leslie）、唐紫睿和男藝人何浩文等，於尖沙咀出席老闆王晶有份投資的《金裝尚品（囍宴）》開張慶典，穿上Deep V裙的Iris大晒事業線，更露出紅色Bra，跟擁33B上圍、穿黑色透視裝的Leslie性感火併，齊齊搶盡風頭，反觀最得到王晶疼錫，獲得不少電影擔正機會的文凱玲，則收起性感，靠靚樣撐場，相當錫身！

做戲攬仔當戀愛

農曆新年將至，Iris透露將到泰國度假4、5日「叉叉電」，笑言會買定新的比堅尼，跌至16度也會照影靚相。她又謂早前甩拖，令她自覺「又冇事業又冇愛情」很慘、很難過，幸遇上老闆王晶，惟有寄情工作。

林莉嫻穿透視裝露灰色Bra，非常養眼。	最得寵的文凱玲密實上陣，以靚樣搭救。	王晶有份投資的食店開張，一班藝人齊齊捧場。

現年28歲的Iris表示自從18歲開始，就沒有遇上對的男生，問她是否冇愛情唔得？她說：「係，我都想有人陪，我都想Fine Dine（正餐），但都唔知點解變咗快餐同散餐，我都好想食法國餐。（想快啲結婚？）本身想，應該唔會喇，唔緊要啦，我拍多啲戲，喺入面搵多啲唔同男友當拍拖囉，希望遇到唔同類型嘅對手，希望係高大靚仔啦。」那會否想跟型男古天樂（古仔）合作？她說：「古仔後生《尋秦記》嗰個年代都好。（依家成熟得滯？）唔係，係我配合唔到佢啫。」

文凱玲睇中阿Bob

Connie則透露農曆年會放假數天，之後為三月上映的新片《我的極品女神》宣傳，緊接四月再演出無綫劇，兩套戲都跟何浩文飾演情侶，又笑稱懷疑老闆想將兩人打造成「螢幕情侶」。有否生厭想換拍檔？她笑謂：「有同老闆講可以試吓唔同組合，其實日前見到阿Bob（林盛斌），我未入行前客串嘅戲每套都見到佢，點解正式入行後呢幾套冇？所以我哋話下次再拍要做情侶，應該好好笑。」

文：影視組