張秀文黐車坐唔支持違法事
無綫小花張秀文昨午出席公開活動，對於王宗堯「踩界」支持Uber慈善活動，她接受電話訪問時表示：「我冇相關account嘅，不過有同事call車，我黐車坐過，服務態度係幾好，咁消費者有權要求高質素服務，希望佢哋最終能夠同政府協商到啦。（支持王宗堯行動？）呢方面就等於政治一樣，每個人都有唔同立場同訴求，我就唔會支持可能與法例有牴觸嘅行動囉。」
昨日秀文出席活動時「深溝」身材盡現，她表示已做足安全措施，對於被「龍友」爭影表開心。是否繼續會以性感形象示人？秀文說：「我『事業心』都幾重，我面又圓，着貼身啲好。（公司冇詐型？）『事業心重』喎，好事嚟嘅！」工作繁忙的她，早前去台灣公幹後行李箱都冇時間整理，她承認收入一年比一年好，會預五位數封大利是給媽咪。