名人紅星出席各地場合最怕係咩？當然係「撞Look」！最近英國萬人迷碧咸（David Beckham）為代言的國際服裝品牌拍的一輯全新廣告中就示範如何「撞Look」。
廣告中講述碧咸以便服打扮出街，怎料不論男女、甚至小朋友及狗都以同一打扮出現。之後碧咸因為行行下落大雨而返轉頭換衫，而每換一件，全世界都跟住換，就連他入浴室準備沖涼時，外出的路人都跟住他赤裸行街，十分搞笑！