鄺靄慧無怨無悔 不放棄生B
「養和醫院院長夫人」鄺靄慧把所有精力花在醫學上，而錯過了生育黃金時間，但她坦言從不後悔，她感激老公李維達在忙碌的生活中，給予大量精神支持及「寶貴時光」。夫婦倆近年積極造人，不排除將來接受人工受孕，迎接小生命的降臨。
養和醫院院長李維達太太鄺靄慧（Ava），是港大外科學系臨床副教授，更是香港遺傳性乳癌家族資料庫創辦人，每天忙着做照顧病人、研究、慈善工作等，忙碌時每天只能睡4、5小時，絕對是「工作狂」。
Ava常笑言「醫生都係人」，亦會感疲勞，但慶幸自己熱愛所做的工作，從不覺得辛苦。她笑言：「其實有時我都會同老公呻攰，佢畀到好多精神上支持我，同我講我做緊嘅嘢好有意義。其實我可以唔做，係我自己唔捨得。」雖然夫婦倆都是大忙人，但兩人會好好珍惜相處時間，Ava說：「老爺李樹培有個『金石良言』畀我哋，無論幾忙都好，都要有quality time（寶貴時光）。」她透露每日與老公最少傾談5至15分鐘，假如有兩、三天假期，便會爭取時間與老公去一個短程旅行充電。
科技幫到人
Ava把時間都努力花在醫學上，現年43歲的她，坦言從前因不斷的讀書、考試及排山倒海的工作，而錯過了生育的黃金時間，問她曾否感後悔？她想一想，續說：「冇！每個人嘅人生計劃都唔同，我都做到好多嘢，好開心。不過我畀大家嘅建議係早啲生，一來冇咁多困難，二來有多啲精力湊。」但她坦言至今仍未放棄生兒育女，她會先嘗試以自然方式懷孕，若到一定年紀仍未成功，便會嘗試以人工方式懷孕，她說：「科技真係幫助到好多人，我會繼續努力。」
有另一個BB
雖然生B的目標暫時尚未達成，但她的另一個BB－－新書《愛是最好的療癒》已面世。這部心血結晶是她花了3年時間整合從醫以來令她印象深刻的病人故事，她透露：「本書係講人與人之間嘅關係，多過醫學資訊。我寫嘅時候，都勾起好多回憶。」簽名會當天，「鯊魚女」陳細潔、名媛羅寶文等城中名人亦專程撐場。
文：名人組
場地：稻菊日本餐廳